السلام عليكم
لما تعيش التجربة هتعرف
و بصراحة أنا مش عارف المسلسلات دى هتنتهى امتى؟
الكلام الجاى ده بجد مش بهزار و عن تجربه شخصية و بنسب متقاربه! _قابلة للزيادة أكثر من النقصان_
طبعاً مش هتكلم عن أى أسباب و لا أى بتاع لأن من كتر المتهمين متعرف ترمى اللوم على مين!
يكفى الجدول ده! و اللى يبين أن عروض المسلسلات فى زيادة و تفوق دائم!
| المسلسل | طول الطابور | مدة الانتظار أو الوقوف أو اللطعة! |
|---|---|---|
| 1-العيش | 1-20 متر | 1-3 ساعة
|
| 2-الأنابيب | 1-50 متر | 1-10 ساعة |
| 3-…. | …. | …. |
عبدو .. كيفك يا ريس
معلش أزمة وهتعدي … النائب العام أصدر قرار بمحاكمة عاجلة لتجار الأنابيب
وبعدين يا ريس أمال لو عشت طوابير الستينات والسبعينات هتعمل إيه ؟
علب الكبريت كان عليها طوابير .. اسأل والدك إن كان فاكر على الزمن ده واقتصاد الحرب اللي عشناه وقتها
على كل حال شدة وتزول يا باشا وحلو القالب الجديد
تعليق بواسطة أحمد شريف — 13 فبراير 2010 @ 4:54 م |
كيفيك يا أحمد منور
يلا الحمد لله و بإذن الله تعدى.
تعليق بواسطة عبدالرحمن — 13 فبراير 2010 @ 8:06 م |
متقلقش يا عبده أنا هتصرف
تعليق بواسطة MagrabI — 20 فبراير 2010 @ 6:59 ص |
ههه لحقت تتصرف يا كريم
المشكلة خلاص قاربت على الإنتهاء
تعليق بواسطة عبدالرحمن — 20 فبراير 2010 @ 9:29 ص |
لا أعرف كنه ولا شكل ولا سبب المشكله
لكن الطابور يبدو طويلا الي اقصي حد ويبدو ان الجميع سينتظر أكثر بكثير من ثلاث ساعات
يقولون شر البلية ما يضحك ولكني لم أستطع منع نفسي من رسم ابتسامه عريضه علي وجهي حين رايت منظر الطابور الثاني
تعليق بواسطة الغريب — 1 مارس 2010 @ 1:59 م |
ربنا لا يوريك طوابير و الحمد لله هي كانت أزمة الشتاء و عدت
تعليق بواسطة عبدالرحمن — 23 يونيو 2010 @ 10:39 م |